Сэтгэл эрхтэн мөн үү?
Ийм нэргтэй нийтлэлийг хальт харав. Унших гэсэн боловч хүний барьж яваа сонинг гуйлтай биш. Уучлаарай. Энэ хэзээний ямар сонин бэ? гэж түүнээс асуувал "энэ үү? хэмээн гайхасхийснээ, нилээн дээр үеийнхээ " гэчихээд явж одов. Соини зардаг мухлаг дээр очиж нилээд хэдэн сонинг харсан ч миний сонирхосон тэр "Сэтгэл эрхтэн мөн үү" нийтлэл алин дээр нь ч алга. Угаасаа ямар нэг юмыг уншихыг, харахыг хүсвэл санасандаа хүрэхээс нааш сэтгэл амрдаггүй "тэнэгдүү" зан маань одоо хир тэр нийтлэлийг уншихсан гэсэн хүслийг оволзуулсаар байна.
Үнэхээр олж уншиж чадахгүй бол та нөхөдтэй хамт сэтгэл эрхтэн мөн эсэх талаар ярилцмаар байна. Сэтгэл өвтгөсөн, сэмэрсэн, шимшрүүлсэн гэж ирээд бид ярьдаг. Гэхдээ сэтгэл энэ байна үүнийг ингээд эмчилье гэсэн жор алга. Нүдэнд харагдаж гарт баригдахгүй, хэн нэгэнд ингэж өвдлөө гээд харуулах бараагүй болохоор сэтгэл эрхтэн биш гэж хэлэх хүн гарах л байх. Миний хувьд сэтгэл эрхтэн мөн биш гэж яг таг хариэдж яагаад ч чадахгүй эргэлзээд байна. Ходоод дотор элэг бөөр өвдлөө гэхээр эмчид хандаад эм уугаад болохгүй бол хагалуулаад, авхуулаад арга хэмжээ авчихаж болж байна. Харин сэтгэлээ бид хэрхэн эмчилэх вэ? Танд сэтгэлийг өвтгөхгүй байх, түүнийг эмчлэх ямар нэгэн эмийн заавар байгаа юм биш биз. Хүн гэдэг угаасааа сэтгэлийн амьтан. Өчүүхэн зүйлд баярлан хөөрч, тиймхэн зүйлд гомдон сөхөрдөг. Сэтгэл эрхтэн мөн үү? Та надад саналаа хэлж туслана уу?