Миний цаг

Яагаад ч юм урьд нь нэг их анзаарч хараагүй юм шиг байна. Сая л blogmn-iin толгойд ийн бичсэнийг харлаа. Бидний гарт эх орны ирээдүй байгаа гэдгийг сануулсанд баярлалаа. Гэхдээ л бид чинь өнөөгийн байдлаар хөх монголын үр сад, эзэн Чингисийн удам гэж уээжээ дэлдэхээс илүү ихийг чадахгүй байгаа гэдэгтэй эвлэрэх хүн байгаа гэж найдая. Шинийг эрж хайж, энэ нийгмийг урагшилуулахын төлөө зүтгэж байгаа хэн нэгнийг үгүйсгэхийг хүсэхгүй байна. Гэвч нийтлэг өнгө төрх нь тийм ч гэрэл гэгээтэй харагдаж өгөхгүй байгаад харамсам. Хаана, юу хийхээ мэдэхгүй лааз өшиглөж яваа олон залуусын алиных нь гарт монголын ирээдүй явна вэ? Гадаадад хар, цагаанаар ажиллаж, амьдарч, сурч  байгаа залуусын маань  хэд нь эх орноо хөгжүүлэхээр ихийг тээн ирэх юм бэ? Бид чинь дэлхий ертөнцөөс тийм тасархай дорой яваа билүү? Яагаад ч юм бид дэлхийд хөгжлөөрөө хойноосоо тоологдож байгаад гутарч үхэх нь. Дээрээс нь хэдэн зууны өмнөх эзэн хааныхаа нэрийг хичнээн ч худалдаж идэв. Сайн эцгийн нэрийг 3 худалдаж иднэ гэсэн үг байдаг. Энэ нийгмийг хараар будаад яах вэ? Сайн юм зөндөө байна. Залуучууд маань нэг хэсэг их сургууль гээд л сүйд болдог байсан бол харин одоо өөрийнхөө ирээдүйг төлөвлөж байгаа нь талархууштай. Их сургууль нэртэй л бол юунд ч хамаагүй орохын хүслэн байсан бол одоо чанар, олгох мэдлэг гээд л олон зүйлийг хардаг болж. Мэдээллийн эрин зуунд хэнбугайгаас ч дутахгүй хөл нийлүүлж байна. Сайхан мөрөөдөлтэй, сайн зүйл хийж, ихийг сурч мэдэж эх орныхоо ирээдүйг гартаа авахаар зүтгэж байгаа хүмүүст  би талархнам. Манайхтай адилхан л социалист нийгмээс зах зээлрүү шилжсэн өчнөөн орон байгаа. Наад зах нь Казахстан. Тэд өнөөдөр хэнээс чгуйхгүй хөгжиж дэвшээд манай монголоос ажиллах хүч авна гэж байх юм. Сонин юм шүү. Манай төрийн толгойд суусан хоосон толгойтнууд яаж толгойгоо ажиллуулахаараа ийм байдалд хүрдэг байнаа. Болдог бол бүгдийг нь ул мөргүй устгаад оронд нь чадалтай, хүчтэй, толгой нь арай өөрөөр ажилладаг, зүрх нь бас монголын төлөө цохилдог шинэ цагийн жинхэнэ залццсыг аваачих юмсан. Үнэндээ Монголын ирээдүй залуус бидний гарт байгаа. Жилийн дараа сонгууль болно. Төрийнхөө толгойд нь гарч чадахгүй юм гэхэд хэнээр удирдуулахаа нухацтай бодох цаг болжээ. Улс төр мөрийг нээг их сонирхоод сүйд болдоггүй ч энэ бол залуус бидний хийх ёстой зүйлүүдийн нэг. Бид ирээдүй... Магадгүй дэлхийнх ч байж мэдэх юм...