Бичлэг тандагчНамайг уйлуулсан баярын өдөр
Юуны өмнө эрхэм та бүхэндээ болон таны үр хүүхэд, ахан дүүст тань олон улсын хүүхдийн эрхийг хамгаалах өдөр, манайхаар бол эх үрсийн баярын мэнд хүргэе. Хүүхдийн инээд хөөр, баяр бахдалаар нэг өдөр өнгөрч, үр хүүхэдтэй байхын жаргалыг мэдрэх шиг. Цэцэг шиг охиноо хөтлөөд алхаж явахдаа энэ хорвоод ямар их жаргалтай хүн болохоо улам ихээр мэдэрлээ. Хүссэн бүхнийг нь ганц өдөр үг дуугүй биелүүлж, хаан мэт аашлуулая гэж хичээгээд түүнийгээ биелүүлж чадсан болохоор сэтгэл хангалуун байна. Хоёр хүүгээ хар нялхаараа хэрсүүжиж, амьдралд нухлуулалгүй өсгөхсөн, бяцхан оюунаа чилээн олон зүйлийг битгий бодоосой гэж хүсдэг юм. Эрхлэж, уйлж, инээж заримдаа бүр яав гэмээр дүрсгүйтсэн ч хааяа нэг өнгөрөөж зэмлэх үгээ хорьж, хүүхдээ өрөөсөө харамлан өсгөж байна. Миний буруу байж болох. Ёстой төрхгүй мунхаг болно доо гэж хүмүүс зэмлэдэг ч ухаан сууж томрохынхоо хирээр уйлж дуулах нь цөөрч, ээжийгээ баярлуулах гэж хичээж байгаад нь баярладаг. Ямар сайндаа охин минь өчигдөр " Аавыг хөдөөнөөс ирэхээр хэлж байгаад танд ийм том цэцэг авч өгнөө" гээд тэвэр дүүрэн алдалж үзүүлэхэд нь яагаад ч өөрийн эрхгүй уйлчихлаа. Үртэй байхын жаргалыг мэдрүүлсэн эх үрсийн баяр сайхан өнгөрлөө. Би сэтгэл хангалуун байна.
