Миний цаг

Өвөр түрийдээ орж, өглөө үдэшгүй хамтдаа байгаагүй ч гэсэн нэг нэгнээ гэсэн сайхан сэтгэлтэй цөөхөн хэдэн найзаараа дандаа би бахархадаг. Уйлвал нулимсыг минь арчиж, унавал гараас минь татаж, баяр гунигийг минь хуваалцаж, бардам занг минь дарж, болъё гэж шантрахад минь урамшуулдаг түшиг тулгуур амьдралын багана гэж найз нараараа би бахархана.

                   Өнөөдөр хаврын шороог дарж шиврээ бороо орсон сайхан өдөр байна. Сэтгэлд нар гарах шиг сайхан мэдээ сонслоо. Миний найз хүүтэй болжээ. Арван сар тээж, түүнийгээ дотроосоо мэдэрч ээж болохсон гэж яарч байсан найз минь баярын нулимстай хүүгээ тэвэрч, энэ баяраа бидэнтэйгээ хуваалцах гэж хоолой зангируулан утас цохиход нь яагаад ч юм бүү мэд хамар шархираад нулимс гарах шахлаа.

Найзтай байх сайхан юм. Баярлавал хамтдаа дуулж, гомдвол цугтаа уйлж, хааяа нэгэндээ туниж,  дараа нь аргадуулах сайхан. Найз нь та нартаа хайртай. Баяр жаргалаа хуваалцах гэж надруу залгасанд чинь баярлалаа. Би үнэхээр баяртай байна. Миний найз сайн ээж, сайхан хань байж чадна гэдэгт найз нь үргэлж итгэдэг шүү.