Миний цаг

Өчдөр Багануураас нэлээд орой ирсэн тул санал хураах байр хаахаас өмнө амжиж саналаа өгөх гэж хэрэндээ бас бажгадав. Өглөө зургаа өнгөрөөж сэрчихээд Ийглийн мэдээгээр Ц.Элбэгдорж Монгол Улсын Ерөнхийлөгчийн сонгуульд ялалт байгуулсан тухай сонсов. Сонгуулийн өмнө хоёр чавганц уралдаад нэг нь түрүүлнэ, хэн хэнээсээ дээрдэх юм алга, гэхдээ Н.Энхбаярыг өөрчлөөд үзвэл... гэсэн бодол надад байсан. Гэхдээ сонгуулийн хэсгийн болон нутаг дэвсгэрийн хороо тэр чигээрээ Н.Энхбаярын талд ажиллах учир урьд урьдны сонгуулиудтай адил луйвардаад л Н.Энхбаяр ялах байх гэж таамаглаж байв.  Зиа тээд гэрээсээ гараад ажлын зүг такси хөлөглөв. Таксины жолооч ах инээд алдаад л... За тэгээд шинэ ерөнхийлөгчтэй болж байх шив гээд сэтгэл хангалуун инээж байхым. Би ч харин тиймээ... гээд нэг их зүйл ярьсангүй. Харин ажлын ойролцоо байх ТҮЦ-нээс кофе авах зуур худалдагч залуу "Эгч сонгуульд хэнийг дэмжсэн бэ?" гэснээ намайг хариу хэлэхийн завгүй "Нэг л юм хүлээж байсан юм шиг... Элбэгээ ялсан гэнэ" гэж нэг амьсгаагаар хэлээд тааламжтай инээд алдав.