Миний цаг

Миний блогийг хэн нэгэн зочин их л анхааралтай уншиж. Тэрхүү уншигч маань суут ухаантан бололтой. МИний үзэл бодол хүсэл мөрөөдөл тэр хүнд огтхон ч хамаагүй атал элдэв үгээр л намайг доромжилж эцэст нь элгээ хөштөл инээсэн юм шиг байна. Хоосон мөрөөдөгч, чалчаа, авгай гээд л бичиж өгч дээ хөөрхий. Гэхдээ би доллар биш шүү дээ. Намайг хараад хэн ч инээх албагүй, би бүгдэд таалагдах ч албагүй. Миний бичсэн зүйл зөвхөн миний л бодол санаа. Дотроо хадгалж явдаг чин сэтгэлийн минь үг. Хүн бүгд над шиг байх албагүй. Нэг хүний үгнээс болж би өөрийгөө өөрчлөх ч ёсгүй.  Үзэл бодлыг минь даган дуурайх, хүлээн зөвшөөрөх шаардлага хэнд ч байхгүй, гэхдээ минийх ч бай эсвэл өөр хэн нэгнийх ч бай хүний итгэл үнэмштл бодол санааг хүндэтгэх нь зүйн хэрэг гэж би боддог. Би сая шударга биш зүйл хийсэн. Хийсэн хойноо амаа барьлаа. Бичлэгүүдийн маань доор байсан тэр "их мэдэгчийн" сэтгэгдлүүдийг бүгдийг нь устгачихсан. Дэмий л юм боллоо. Намайг хүмүүс яаж хүлээж авч байгааг уншигч хэн боловч мэдэх л ёстой шүү дээ. Хэний ч бай бичлэг ,бодол санаа, хүсэл мөрөөдөл заавал надад, чамд, хэн нэгэнд таалагдах албагүй. Түүнийг доромжлох эрх ямар эрх мэдэлтэн, хэн гуайд ч байхгүй. Зүгээр уншаад хүндэтгээд өнгөрөхөд боллоо шүү дээ. Нэр нь үл мэдэгдэх зочин гуай уучлаарай. Сэтгэгдлүүд чинь таалагдаагүйдээ бус хүнийг хүндэтгэж сураасай гэсэндээ устгасан юм шүү. Уучлаарай..